A axenda elixida para o centro durante o vindeiro curso 2022-23 é a de o alumno Hugo Carrera Rey, un bo traballo de debuxo dixital que podedes ver a continuación:
Aquí tedes algunhas das mellores propostas dos alumnos de 2º de bacharelato para a axenda escolar do vindeiro curso.
Saída a Santiago de Compostela para a asistir á proxección da curtametraxe realizada polos alumnos:
O departamento de debuxo participou no curso 2019-20 no plan proxecta, nun programa ofertado pola consellería de Cultura, Educación e Universidade e desenrolado polo centro galego de artes da imaxe denominado “Cinema en curso”. Ao verse interrompido o curso por causa da pandemia provocada pola COVID, tivemos que realizar a actividade a través de conexións on line. O traballo final consistiu en rodar unha curtametraxe. Durante as conexións on line os alumnos planificaron o traballo que finalmente levouse a cabo con todas as precaucións necesarias. A película rodouse pero quedou pendente a proxección na filmoteca de Santiago e tampouco puido facerse durante o pasado curso por problemas de aforo derivados da pandemia. Neste curso, nos comunican a proxección do traballo dos nosos alumnos dentro do festival de cine “cineuropa”, en Santiago de Compostela. O equipo de traballo do programa de “cinema en curso” elixe para proxectar dentro do festival tres curtametraxes realizados nos programas do curso pasado e o traballo dos nosos alumnos que, aínda que pertence ao ano anterior, 2019-20, inclúese polas especias circunstancias nas que foi levado a cabo. O grupo de traballo que participou no programa levou aos alumnos que fixeron a película á proxección, para que poidan presentala no festival. A proxección tivo lugar as 18:00 do martes 24 de Novembro.
Aquí tenéis su trabajo:
'A pesar de todo', IES O Ribeiro (Ribadavia) from Cinema en curs on Vimeo.
Este ano as letras galegas están dedicadas á figura do poeta, tradutor, editor, escritor e activista Florencio Delgado Gurriarán. Os departamento de galego e debuxo organizaron, coordinados polo departamento de normalizalización lingüistica, unha serie de actividades conmemorativas. Ao departamento de debuxo correspondéronlle as seguintes :
1º e 2º de bacharelato: exposición de fotografías realizadas polos alumnos. Pedimos aos alumnos de primeiro e segundo de bacharelato que fixeran unha fotografía dos seus avós. Ademais de coidar os aspectos básicos da fotografía (encadre, iluminación, angulación…), con esta práctica pretendemos fomentar que esta xeración se achegue a aquela da que está máis afastada deles por idade, aínda que lle sexa próxima e querida: os avós. Pedímoslles que tratasen de captar a imaxe dunha xeración cuns costumes e forma de vida que parecen perderse.
3º ESO: Os alumnos de terceiro da ESO realizaron ilustracións tridimensionais dos versos dos poemas do autor elixidos polo departamento de dinamización. Para realizar o traballo utilizamos unha caixa pintada de negro que no interior contiña os versos do poeta xunta os obxectos que configuraban una ilustración matérica inspirada polos poemas.
1º Bacharelato: Os alumnos de primeiro de bacharelato realizaron un retrato para homenaxear a Florencio. O retrato foi exposto na entrada do centro co resto dos traballos e permanecerá na biblioteca, xunto co grupo de retratos de gran formato realizados para cada edición das letras galegas. A característica destes retratos é que están feitos con imaxes referidas á vida, obra, traxectoria... do autor. Este ano a figura de Florencio representa “por primeira vez” os galegos que foron desterrados por causas políticas, xa que el tivo que exiliarse a México. Isto é o que pretendimos recoller na imaxe e así o fondo está inspirado no país do exilio e a figura do autor está formada por imaxes de Galicia.
Este traballo foi levado ao cabo polos alumnos de terceiro curso da ESO a través das titorías. Cada alumno escolleu unha figura feminina que lle resultaba especialmente inspiradora, e traballou sobre ela. Despois de recabar a información necesaria sobre a personaxe fixeron o traballo. O traballo contiña un pequeno texto no que o alumno explicaba o motivo polo que a escolleu. Co fin de lograr un resultado visualmente uniforme, elixiuse unha imaxe que aparecera con igual función en todos os traballos. A imaxe elixida (unha lámapa de cor laranxa) tiña dobre finalidade: ademais de unificar visualmente o conxunto, facía referencia ao mundo das ideas e completaba así o contido do traballo titulado “Mullereres que locen”. Completan a tarefa carteis realizados tamén por alumnos de terceiro da ESO cunha base moi similar á anterior. Neste caso, a imaxe é unha man de cor laranxa pero, ao contrario ca a lámpada, non ten unha localización fixa. É o alumno o que decidirá como e onde colocala e a posición que ocupe terá un significado de xeito que a imaxe creada apoie a idea que defende o texto.
Os alumnos de proxectos plásticos de segundo de bacharelato realizaron un traballo para conmemorar o día do libro (23 abril). O traballo consistiu en realizar figuras a tamaño natural que ocuparían a entrada do centro. As figuras, feitas en diferententes posturas que se adoptan ao ler, conviviron connosco durante un tempo. Durante a exposición das figuras o centro recibiu a visita da escritora Andrea Maceiras (actividade organizada polo departamento de galego deste centro), polo que as nosas figuras leron libros da autora.
O departamento de Dinamización lingüística organizou un concurso no que participou o departamento de galego, que propuxo a elaboración de microrrelatos de terror. A actividade complementouse co traballo do departamento de debuxo que realizou as ilustracións dos microrrelatos. Aquí podedes ver algúns dos traballos dos alumnos:
O pasado curso o centro decidiu convocar, por iniciativa dos profesores do ciclo, un concurso de etiquetas para os produtos elaborados polos alumnos de industrias alimentarias (aceite, viño e marmelada). O traballo de deseño das etiquetas levouse ao cabo nas materias de proxectos creativos de primeiro e segundo de bacharelato e rematou neste curso, sendo Lara Álvarez de 2º Bach a gañadora, que recibiu o premio o día da graduación de segundo de bacharelato.
Das conversas mantidas no proceso de concreción do concurso xurdiu a idea da realización dun logotipo de centro. De novo na materia de proxectos (con alumnos de primeiro e segundo de bacharelato) os alumnos foron os que realizaron os traballos de deseño dos logos. O que en principio era un só concurso evolucionou a dous: etiquetas e logotipo do centro.
Para a elección dos traballos gañadores o equipo directivo do centro nomeou un xurado no que aparecían representados todos os sectores da comunidade educativa. Eliska Piños, de 1º bacharelato B, foi a gañadora do concurso do logotipo do centro.
 |
| Etiqueta gañadora: Lara Álvarez Suárez |
.jpg)
 |
| Logotipo gañador: Eliska Piños |
DÍA DA PAZ
Na materia de proxectos creativos traballouse no deseño dunha intervención no centro que celebrase o día da paz. De todos os proxectos presentados polo alumnos elíxíronse aqueles que mellor se adaptaban ao obxectivo. As propostas elixidas foron materializadas polos autores coa axuda dos compañeiros da clase e consistiron no seguinte:
Pombas da paz de papel, colgadas do teito, cubrindo a entrada do centro e por todo o corredor da planta Baixa. Na entrada, a decoración das pombas completábase coa palabra “PAZ” de gran tamaño feita con material reciclado (botellas de plástico). No teito do primeiro andar reutilizamos o traballo da paz do curso pasado (follas azuis con pombas da paz debuxadas a partir da pegada da man de todas as persoas que convivimos no centro). As follas simulaban os pixels dunha imaxe dixital formando a palabra “PAZ” en dúas dirección.
Os autores dos proxectos que se levaron ao cabo foron: Irene Iglesias Macías, Sabela Pérez Taboada e Gabriel Rodríguez Canda.
